Bichni man ki i ksuid hei jingim iong i.

Ha kawi ka skul bah kawa bna nam bha, kawa em uwi u professor wa chyrkhei bha, wa tof bha u batai iaki khynnah college. Boonsien boonsien joh yoo u wa ki student, ym em bha u ia suk mynsien ki, wei ia chun ki wi ya u wi. Heitae pyrkhat u kammon u leh. Kat wa chkeh u, u batai kot, tae waroh waroh kwah ki u chong klas haka period yong oo. Heitae ha kawi ka sngi, psiah klas u, rah u waka klas um (glass) ha kti. Phylla ki khynnah, ileh rah u daka glass chapoh  kamra klas. Kamtae, kylli u iaki

Professor: khynnah, tip hi phi, kayi ka kani?

Khynnah: Waroh ia jubab ki ka KLAS UM.

Professor: ade stad bha phi mo. Kylli biang u, tip hi phi katnu kilo ko?

Jubab wi, angut heh. Em kiwa ong:
Khynnah 1: babu, ym tharai o u khia kl, dei KILO beit, lehse, chi pawa

Khynnah 2: 200 gram ko sir

Khynnah 3: 100 gram ko

Khynnah 4: 150 gram ko

Ia jubah ki khynnah kamtae ter ter.

Heitae ong pynroh biang u professor ki.

Professor: Sniawkmen o wa stad phi waroh waroh. Ha o, iaka jingkhia iong ka, han la katwa em ka leh. ym ye i u tip, lada ym thaw ika. Kylli biang u, ka jingkhia iong ka, neh ko katjuh bait nae daw sting nae daw khia ka mo.

Khynnah: ka jingkhia man ka kamjuh bait

Profesor: kamtae sae ki khynnah wa minot. Hakhmat i minot, ym m wa beit, pynrap u. Kylli biang u, ye hi phi ka u rah.

Ia rkhai siaw siaw ki charud, ia jubab haroh, "5 tylli sien rah leh ye bait nong kam katu"

Professor: to, hawa kamtae, lada phah rah a phi chi kynta, ye hi?

Khynnah: ye hi, tangwa tkhan kti heh.

Professor: korect, daw tkhan ki kti nong. Lada phah o waroh chi sngi bathan, daw kjut sei doh i phad phi. Toh nae ym toh?

Khynnah: toh hi, sir. Lada rah boon sngi bathan, daw poi cha hospital haroh

Professor: ha o, iwa skhiat itae. Manda poi hospital, jingjar ia phi, kiwa ha iung ha sem haroh nong

Khynnah: ha o, babu.

Professor: to, kattu u kylli o ia phi, kayi ka ka jingsneiñ wa ioh phi nakani ka period.

Ki khynnah jhan bha ki u jubab kamni nae, em kiwa jubab kamni "heh ka jingkhia kat dang lai i por", em leh kiwa jubab kamni "ym hoi u kreh eh, iatoh poi hospital" chiboon ki jubab wa e ki khynnah.

Suh rkhai u professor, khadduh batai u iaki kamni nae, "hei man bru, lada em i won i won i jingeh, i daw, i iachun ia bichni han man ki iwa khian leh (kam ka klas um), lada bteiñ i ki ne boohnood iki, daw pyntkhan ki iaka jabien yong i, kamjuh leh, daw poi u pud wa jingjar ia i da i. Kamtae, iow lait itae waroh, ham boohnood ne ksohnood yei bakla iong kiwi, nae ham ia bichni pynat iwi yei, iow lait ki mynsien phi u khia" watoh ka jingbichni khia ko kat dang lai ki por.