Ki Chi Khynroo

                  KI CHI KHYNROO

Kani ka parom toh chaphang KI CHI KHYNROO.

Hakawi ka sngi em kawi ka kynthai kawa yoo sih bha iaki bru, iaki payu ki para iong ka, toh wa man ko da kawa thlah. Maya ko du ia u khynroo
hi ko. Tae oo leh maya bha u ka. Dang lai ki sngi ki por, i maya iong ki dang jur chuh chuh ki, haduh ym ye hi de u batai. Nei liang u chynrang leh, ym em sniawpher u watoh kawa thlah. Kamtae hakawi ka por ong ko ia oo, ma dei chynna ko u peit, da
iabia ko wa oo. Iow ioh ko u pynbiang pyntoh dei toh rukom ia oo kam ka kurim iong oo. Tae kat dang lai ki sngi ki por, iai ong ko ia oo kamtae chi kamtae, kat haduh ka wi ka por em wa e khmat ia ka, tae da chynna ko u peit.

Kmen ko haduh katwon wa ioh ko yei khmat, wa ioh ko u peit ia ka chit ka che, ka rngam ka stem iong ka khyndaw ka bnein. Tangwa iwa phylla duh, toh man da yoo ko, u
khynroo ka leh da uwa thlah.

Heitae, ong u khynroo ko, ''kattu da ioh pho u yoo, bein hi pho u bia wa nga''?

Hei dohnood wa chrai ong wan ko, ''ohoh, ym bein o, me paya da uwa
thlah''.

Mar syndep ong ko, lai wot ko wak, ieh ka oo samen. Heitae da ka jingsniaw sih kthang wa dei
iam ka mynsiem u. Tae ong u, ympher wa maya, tangwa sumar bha ki khmat iong nga.

JINGSNEIN- ki bru pher i jingman ki kat dang lai ki sngi.

lane, kat dang dum, kwah i u che, tangwa manda che, da tyrchain palat, wyr ngu wot ki khmat u peit.