Hato ki LGBTQ ki don ia u Z chromosome?

Ka iing bishar ba ha khlieh tam ka Supreme Court mynta ka sngi Palei ka la rai ban ithuh noh ia ka jingiashongkha para shynrang ne para kynthei ne kiba ithuh kum ki LGBTQ. Kane ka jingrai jong ka SC ka long ka jingjop ia ki LGBTQ da kaba pynduh pyndam noh ia ka Artikel 377 kaba la khanglad ia ki naduh mynshuwa.

Ka jingkylli kaba mih kalong hato ka jingrai ban mynjur ka SC ia ka jingshongkha ki LGBTQ kan ktah ia ka jingngeit bad rukom mane Blei? Kumba la ioh sngew na kiba bun ki riew mane Blei ha la ka rukom ngeit jong kano kano ka niam lah ban ong ba kane ka kam khyllah ka long pyrshah ia ka ain Blei. Hato kane ka rai kan ktah ia ka jingmane Blei? Lada kane ka rai jong ka SC kalong kaba biang, hato kito kiba mane ia ki ksuid (Satanic Church) kin ioh laitluid ban mane katba mon, namar haduh mynta la tip ba dei tang ki niam ksuid kaba pynkiew bad pynshlur ban iashong sang para shynrang bad para kynthei.

Ha ka sur shimet, nga bud ia ka jingngeit ba u Blei ula bynta ia tang ar ngut hi bad ia kiba la dep mang kyrpang ia u shynrang bad ka kynthei shijur shijur ba kin ia poi don burom bad ban pynim ia ka lawei jong u khun bynriew pateng la pateng sha pyrthei ban shong ban sah baroh shi lynter jingim. Na ka liang jong nga shimet, nga pynrem jur ia kane kam khyllah bad kaba kynsha haduh katta katta. Bad ngam lah ban pdiang ia kum kane ka jait shongkha  kynsha kaban pynduh jait ia ka lawei jong u khun bynriew. Namar ia u briew uba biang pura ki dkhot met ym shym la kha ia u briew ha kata ka jinglong bapher na kiwei. Bad ia ki bym biang dkhot met bha, ki lah ban mih khyllah kiei kiei, hynrei kane kam mut ban ithuh noh ia u kum u LGBTQ. Namar kumba ngi tip lyngba ka saian & tekhnoloji kaba la batai ia jinglong shynrang ne kynthei lyngba ki chromosome ha ka met jong u briew, kata, XX chromosome bad XY chromosome. Na ka bynta ban tip ia uba dei shynrang ki chromosome, ki mih paw, X bad Y. Katba ia kynthei ka don baroh ar tylli ki X X chromosome. Kaba phyla kalong hato ki LGBTQ ki don sa ia u Z chromosome?

Nga sngew ban pynkut ba kine ki LGBTQ kidei kiba don jingduna naduh por ba dang kha (congenital birth defect) bad kadei ka kamram jong ki riewstad ban wad bniah bha ioh don ka jingsumar ia kum kine ki briew.

Thiar

Rupang