Kumba tyllun ki por, ka juk ka dang iai kylla, ka jingim ka pher, ka jingstad kala nangjur, ka jingmut jingpyrkhat u briew ka dang khih ksaid ha ka jabieng. Shuh shuh kumba iaid ka juk jingstad mynta, ka akor u mynhyndai kala sdang duh bad iap artat, ka jingiatip lem ka lah jah, kala iap bad dei hangne ka paw shai ka kyntein, "kat dang dum, ngi kwah ban shai hynrei ynda lah shai, da tyngshaiñ palat" ka juk mynta kadei ka juk tynneng na ki ri sep ngi. Manla ka sngi ngi iohi iaka khubor ba pynsyier iaka iaid ka ieng jong ka kynthei bad kumno ka riam jongka ka pynkhih ia u shynrang. Te hangne ngan thoh shi laiñ shaphang ka riam ka beit ki kynthei mynta por bad kumno ka pynsniew iaka imlang sah lang.
KA RIAM KA BEIT, kadei ka kolshor jong u khasi, ha kaba ngin da, ngin sumar bad ngin tap iaka met ka phad khnang ban i don akor naduh briew haduh blei. Haduh katno iphuh i phieng bad i shongkun shongkhia ban peit ba ki kynthei ki phong da ki jain ba da iaka met la jong. Lada phai lei sha ka riam tynrai jong u khun khasi, haduh katno i eh rngiew ban peit bad ishongkun kabym lah shuh ban batai ruh. Hynrei ngan ym phai than sha kita, namar ngan kren tang haka juk mynta.
Haba peit mynta por pat ka riam jong ki kynthei, thik dei ka kyntein, "lehrain u nongpeit ia uba eit", ki daw kilong kiba bun hynrei bunsien hi kine harum:
1. ba duna ka sneng jingkraw iala ki khun ki kti,
2. ba ai mon ai li ki kmie ki kpa,
3. naduh ba mih ki social site, lah sdang ka bud tynneng na ki ri sepngi.
Lada ki khun kim ioh ka jingsneng kaba biang nala rempei kumno ban kup ban phong, shabar lei kin ym tip hi kumno kata ka akor ka burom. Ka jingaimon palat iaki khun ruh ka long kaba pynsniew iaka jinglong jongki, shu buh lada iohi makna ba ki khun ki riam khyllah, ki kmie ki kpa hi, bunsien ki ailad bad hana ki ong ba ki khun kilah sdang samla, ai kin leh artat kum kiwei. Kata kadei kaba bakla bad kaba pynhap dor ia ka kyrdan jong ka akor ka riam ka beit. Nangta ruh, lah sdang sa ka bud tynneng bad leh ak phareng artat, riam pynisait met, pynpaw ka met shabar, phong bikini....wow ko mei, shaei ka pyrthei!!! Lada ki kynthei ki show off iaka met jong ki, kumno hi kin shongsuk shong sain hapoh ka imlang ka sahlang. Shuh, bud tynneng sa ka party, tyrwa dih rang bad thei, nangta hana, ngam ju dih, nga dih tang ka wine hi....hadien pat kylla swine pynban. Nangta ruh, hadien ka jingriam pynikwah, kurup klumar ki briew, shongkha pathar bad u dakhar, tlot kylla ka jaidbynriew.
Nga hangne ka kynthoh jur iaka riam ka beit jongka kynthei briew, lamar ka khubor ba mih lah jan manka sngi shaphang ka batbor, kitnap, etc.. nga ngan ong hangne kumno yn burom u shynrang ia phi, haba phi riam pynkwah eh, shaei ka akor ka burom, bad balei phi ia riam pynisait met, balei phi die iaka akor lajong. Phi tip hi ruh ba khambun na ki shynrang bunsien kim lah ban control, bad ynda phi phong pyni met, kim banse ki hap kurup. Taka daw poi ka batbor tang naka riam dakaid jong phi. Phim tip mo, ba ka jingduh ka akor jongphi, ka pynduh artat akor jong ka jaidbynriew bad ka pynjah ia ka kolshor u mynbarim.
Bunsien bad 90% nga iohi iaki thei khasi shapoh social site ba phong pynimet, balei phi iathad ialade, ne phim iadon jain ha ing ne? nga te nga isih iap ia ki, bad nga sngewsih ba ki die tad iaka akor jongka jaidbynriew.
To ki riewkynthei, ban kham skhem ka akor ka burom bad ban im ka kolshor ka deiti, to sdang na phi. Phong kup bad da iaka met kyrpang jong phi, sngewbha wat die tad ia kane ka kolshor da ka jing bud tynneng na ri phareng. Ka riam ka beit ka dei ka akor jong u khun khasi
To wat khim jingmut eh, naka riam ka beit jongphi, lah ban batai ia ka jinglong jongphi. Wat phong ne kup dakaid, phim dei ki english celebrity, ne diva.
Ban im ka jaidbynriew ka shong haphi ki kynthei ryngkat ka jingialeh u rang.
KHUBLEI SHIBUN
CHI HAJAR NGUH
No comments:
Post a Comment