U TYMMEN WA U KHON

Em uwi u tymmen wa chong wa sah samen. Kwah u, u puh ia i kper i sah iong oo, tangwa ym nang u toh da tymmen. Em u, u wi heh u khon u, tang wa u khon iong oo leh, em u hapoh patok. Kamtae, dakut ki lad u tymmen, heitae thoh u da ka chithi cha u khon iong oo cha chapoh patok. Haka chithi thoh u kamni nae,

"Khon wa maya,
            Haduh katwon sniawsih i mynsien o u thoh kani ka chithi cha me, tangwa u leh o kammon ym banse hap o u khana yei jingeh iong nga han lym ye mi u iarap wa nga leh. Khon, mut o u ong ia me wa, ym em sniaw chait bha o, seiwi wan leh da tymmen o, tae kwah o u thung jhur thung salah ha kper i sah o, tangwa ym nang de o u puh. U ieh chrah aki ini i kper leh, ym suk mynsien o, watoh hei por dang em ka bei mi, jooh thung jooh rep ka ki, neitae i daw ym suk nood o u ieh. Kat wa da tymmen o kamni, mut o u rah iow wakhu leh ym ye de o.

           Tip hi o, madei em da me heini, waroh ini i jingjynjar, da lait lut aki. Tip hi o leh, me hi u puh madei dam mi u chah kset.

                                                                                                                     

                                                                                                         Pa wa maya iong me

Hadien kattu katni sngi, man da dep phah utae u tymmen, kammon rae kammon yoo u ha kot khubor wa phah kylla u khon u. Thoh u khon u kamni nae,

Pa wa maya,
          Haduh katwon wa kmen o u purae ia ka chithi iong me, tangwa pa wa maya, neibynta iong nga, pa, ham puh ki itu i kper, watoh hapoh kper thlep aka katu ka suloi!!!!
                                                                                                                 

                                                                                                       Khon wa dakaid iong me

Kat wa kamtae, kam mynstep, chi dorjon ngut ki pulit wa wan ha kper utae u woh tymmen, wa ia thuh ki ka, katae ka suloi. Heitae pyrchang u tymmen u pynkhang hynrei ym ye u. Ki pulit hap ki dei wa tih ia ka kper iow chem ki ka. Hynrei waroh i kper, ym chem ki yiyi leh.

U tae u tymmen phylla u jlang nae, tae thoh biang u cha u khon u,
"Khon, nei bynta iong me, pyrchang o u iada ia me, dei wa pynkhang o hynrei ym ap ki nga, tangwa kattae leh embhah wa ym m chem ki ka, tae ka suloi wa thlep mi".

Hadien da purae u khon ka, heitae thoh biang u cha u pa u,
"pa, thung kattu ka salah ka jhur mi, i ni heh i  kam wa khian wa ye o u leh ia me..."

                                                       

                                                       Dad, shock!!!

Jingsnein: ym pher lada em phi heiwon heiwon leh, lada kwah phi u leh naduh mynsien iong phi, ye hi phi wat lada ha patok leh. Ka jingpyrkhat kawa tam, ymtoh wa jngai phi ne ym m phi ha
iung.