U NONGREP WIAR WAJE

                            U NONGREP WIAR WAJE

Chisien em uwi u bru nongrep kamjuh leh man u, u nong dai kho richon. Tae heiwi I por katwa dang boonkaam u ha yung thep kho, kammon rae kammon toh looid uka ka waje kti u, dep neitae mylling thaw uka. Ym toh ka waje syad dor, hynrei man ko kawa kordor ya oo. Kat wa thooh uka leh, ym chem de u ka. Da kynrae lut u cha waroh I thaw, jrong jrong poh poh, cha khyndaw waroh da dep thooh lut. Du chibet chipor deilang wa snyaw ing da kot u u thooh, tae dam u toh ym chem uka. 

Kat wa em khynnah wa ya kyndeh ke cha madan pchem, tae tyrwa u ya ki, u thooh ka ka waje u, wei wa kular u  wa  ya kiwon kiwon wa chem iow prize u  yaki. Hadien da snyaw ki khynnah iow ioh prize, ya knieh psyah ki  heitae I yung ioh u thooh ka. Tangwa kattae leh ym chem ki ka.

Dang du wa mut u tae bru ka u ieh, iow dam ka u thooh, wan uwi u khynnah wa rap khyan na waroh kiwa ya kyndeh ke, tae ong u dang e lad biang u u thooh sa chisien nae kammon.

U tae u nongrep pait u cha oo wei pyrkhat u, ong wot u, ileh u dam u? waroh kitae ki khynnah peit ki sya suki ki kyaw nae. Heitae phah u oo utae u khynnah iow psyah u cha dukan dai kho hei thaw wa wyar ka oo iow thooh u ka. Hadien chibit chipor, mih u khynnah na yung ryngkat wa ka waje wa rah u ha kti. Haduh katwon kmen utae u bru wada chem u tae u khynnah ka ya oo, dep neitae kylli utae u nongrep ya  u khynnah, kammon chem u ka hakawa arsien? Ileh ym chem u ka haka sien wa nyngkong? Heiwon chem u ka leh? U khynnah jubab u, “nga ym em thooh aka, chong suki heh o ha khyndaw, tae ap o. Ha ka jinglyngngam, snyaw o wa em wa kieh yong waje tik tik tik , dep tae peit o chei lyang wa kieh, heitae em ko”

Jingsnein: ka jingmut jingpyrkhat wa thynda wa jaijai kreh kaam bha ko chibun ban yaka jabein wa kreh lyngaa. Kamtae  chi minit u e por phi u pynthynda yaka jabein yong phi manka sngi daw yoo phi ha kawi ka sngi  daw yarap ko u chna yaka lawei  yong phi kat kam wa kwah phi, kam ute u khynnah wa chem waje.